_1. A condición de comuneiro está caracterizada pola residencia habitual nas entidades de poboación para as que foi declarado o MVMC. Así ven recollido no artigo 3 da Lei 13/1989, de MVMC, e, máis concretamente, no artigo 61 da Lei 2/2006, de dereito civil de Galicia:

Terán a condición de veciños comuneiros aquelas persoas titulares de unidades económicas, produtivas ou de consumo, con casa aberta e residencia habitual independente dentro da área xeográfica sobre a que se asenta o grupo social ao cal tradicionalmente estivese adscrito o aproveitamento do monte._